مركز تحميل وأهداءات عاطف همسات

وعليكم السلام ورحمته وبركاته اختنا الفاضلة / نبيلة
اشكرك على كلامك الطيب و لا حرمنا الله من تواجدك وتواصلك ..
طبعاً انتى ارستيلى مثال على مركز رفع صور محطوط بموقع .. عاوز منك تضغلى عليه بعد دخولك الموقع المذكور طبعا وشوفى ايه اللى بيحصل .. على طول بيمشى الموقع ويحل محله موقع التحميل .. ولا يمكن البقاء بالموقع الا بالضغط على الرجوع للخلف ..
علشان كدة انا عملتلك كود ( بذمة ) علشان عند تحميل اى صورة يستمر موقعك ولا يروح .. يعنى التحميل يتم فى اطار منفصل زى اى موقع رفع فيه مركز رفع خاص ..
اما عن الاهداءات انا عملتلك حساب و ما رضيتش اكتب اهداء حبيت اول اهداء ينكتب يكون من مديرة موقعنا الغالى الرحمة والمغفرة ..
كل اللى فات دة توضيح .. ندخل فى الجد والتنفيذ بقا .. ها مستعدة ؟
انا باعتلك رابط ملف تنزليه عندك ع الحهاز .. بعد ما تنزليه تنسخى الكتابة اللى فيه بالكامل .. تمام ؟؟.. بعد كدة تلصقيه فين ؟ ادينى هقلك اهو ..
طبعا تدخلى لوحة ادارة منتداكى تختارى من فوق مظهر المنتدى .. بعد ما يفتح معاكى رابط مظهر المنتدى تختارى من ع اليمين خيار تشكيلات عامة للصفحة الرئيسية ..
لما تفتح معاكى تشكيلات الرئيسية هتروحى ع الاعلان وتلصقى الكود فى اول الصندوق من فوق وطبعا مرفق صورتين للتوضيح والتيسير عليكى ..

اول حاجة نزلى الملف من هنا

ملف كود مركز التحميل وكود الاهداءات

وآدى كمان صورتين للشرح علشان وضع الكود

انا ليا اقتراح مهم جدا .. يا ريت تمسحى كل الكلام المكتوب اصلا فى الاعلان براءة ومعرفشى ايه .. لانو معروف ان المنتديات كلها معظم محتواها ناخد من هنا ونحط هنا ويكفى ان العضو بيكتب كلمة منقول وخلاص .. يعنى بالعربى لا تحبيكها زيادة .. مخلى منظر الرئيسية عندك كبيرة ع الفاضى والواحد عاوز تاكسى علشان يوصل لاقسام المنتدى بالاسفل .. كمان الاعلانات الخاصة عريضة جدا جدا واظن ان ملهاش لزوم ويكفى عرض الاشياء المهمة على الجنب تحت الموضوعات الاخيرة .. علشان الشكل العام للمنتدى يبقا ممتاز ويبقا منتدى حقيقى مش اى كلام .. ارجو ان كلامى ما يكونشى زعلك وانا اولا واخيرا هدفى خدمتك وعاوز اشوف منتداكى احترافى وفوق الوصف .

» مشروع تحفيظ القرآن همسات
» همسات اسلامية مع نبيلة وكلمة حق "
» مجلة منتدى الرحمة والمغفرة الرمضانية " من همسات "