من حقك ..من حقى "اسامة "

من حقك
انى اقولك بعشقك
من حقى
انك تسمعينى واسمعك
لكن من قال ...من حقنا
ان احنا نفارق بعضنا
وتضيعينى واضيعك
....كان فية زمان
حلم عشنا العمر بنرسمة
اخدة الزمان
لما شافنا بطلنا نحلمة
وقولنا مكتوب علينا
تودعينى واودعك
مش هقولك ..
.انا قادر على نسيانك
مش هقولك
يمكن القى حد تانى
ياخد منى مكانك
مش هقول غير كلمة بحبك
يمكن ترجعك
بحبك ...
وعارف ان حبك
..اصبح مستحيل
ما أنا شايف ..
الخطوة بين قلبى وقلبك
...الف ميل
.......لية نسيتى كل الوعود
.......لية سكاتك ملهوش حدود
ما تقوليلى ...اية غيرك
..محتاجلك ...
وجوايا الف حاجة
..بتناديكى
..حاجات خايفة
..ومشتاقة تحس بضمة ايديكى
...خايفة نتوة ..
فى وسط الطريق
ويجى بكرة ...نبقى ذكرى
..ويضيع كل شئ
...وتنسينى تانى
..وانسى تانى ..وافكرك

» الى حبيبتى " اسامة "
» عطر الحب " اسامة "
» ثائرة " اسامة "
» نغم العمر " اسامة "
» افتكرينى " اسامة "