اثبت يا قلبى " اسامة "

..اثبت يا قلبى
ودارى دمعتك

انت اللى اخترت
من البداية سكتك

مش راح يفيد الندم
ومهما يزيد الالم ...لازم تتحمل غلطتك

عشقت خاين
وكنت فاكرة ملاك

وكان غدرة باين
معرفش اية وداك

تترمى فى احضانة
وتعيش فى اوهامة

ولا حس بيك
ولا كان يوم شاريك

ورجعت وحدك .....ونسيت حتى ضحكتك

كان جوايا ليكى حب كبير
مقدرش اوصفة
كان حب غالى واحساس جميل
قبلك ما كنتش اعرفة

وكان ليا حلم
نفسى اعيشة واحلمة
بعتى حبى ..خنتى قلبى ...
ضيعتى حلمى ..قبل ما اكملة

لا يا قلبى
مش دى ..اللى يوم حبيتها وحبيتك

نسينا يا دنيا ...لو تقدرى كل اللى راح
وقولى لينا مين قبلنا ...عشق وارتاح

يمكن نلاقى الدوا
لقلوب تعبها الهوى
...................ونفوق من الاوهام
وكفاية تعب سنين
كفاية جربنا نكون عاشقين
اقينا الحب مجرد كلام ...............وياريتها سمعتك