معكم اليوم و أولى انتاجاتى السينمائية فى أفلام الرعب اللى بيخااااااااااااااف ... برضه مايطلعش بره و يقعد يقرأ الموضوع
~~ الشخصيات الرئيسية ~~
ريا : ستيفانى حسب الله : تريبل اتش سكينة : ربيكا عبد العال : شون مايكلز المعلم عرابى (هو واحد صاحبهم يعنى كان بيساعدهم ) : أندرتيكر الشخصية الغامضة : راندى أورتن
و طبعا فى شخصيات تانية و مجموعة ديفاز بالهبل أومال هما هيقتلوا مين ؟ و بصراحة عشان تكونوا معايا فى الصورة الموضوع ده بدأت فيه من مدة لكن متوقف عن كتابته من شهور طويلة بسبب وجود ضيف شرف فيه تغيب من الشهور الطويلة دى
قال لى عيد ميلاده يوم 6 / 1 و طلب هدية الموضوع ده .. كملته بأعجوبة قلت عشان يدخل غصب و اقتدار بس برضه ظروفه مسمحتش أنه يدخل فقلت هخفى الموضوع و ده واضح من تاريخ الموضوع القديم
بس قررت أظهر الموضوع بقى كفاية كده بقاله اكتر من شهر مخفى النهاردة 10 فبراير
و السبب الأهم أن ضيف الشرف ده طالب مشهد معين كده مع ماريس و أنا وعدته أعمل له المشهد ده حتى لو فيها ايقافى فكنت بأأجل على ما أقدر فى الموضوع عشان عايز أفرح باللون شوية هتوحشونى أوى يا شباب
ماطولش عليكوا
نبدأ من المشاركة القادمة ,,
أرجو أن تستمتعوا ,,
تحياتى
نبيلة محمود خليل مديرة موقع رحماك ربى
عدد المساهمات : 1427 تاريخ التسجيل : 29/08/2009
موضوع: رد: ريــــــــــــــــــا و سكيـــــــــــــــــنة أولى انتاجاتى السينمائية فى أفلام الرعب الأحد يناير 06, 2013 5:28 pm
منزل ريا و سكينة ~~ ستيفانى ( أو ريا ) : بت يا سكينة ... أنتى يا بت ...يوووووووووووووه
ربيكا ( أو سكينة ) : بتندهى عليا يا ريا يا أختى ؟
ستيفانى : أيوه ... بقالى ساعة بنده ... يا ريت تبطلى تسمعى الأغانى طول النهار فى ال mp3 مش ملاحقين عليكى بطاريات ...و كمان دى مش بطاريات قلم دى AAA ...و أنتى شايفة الحالة ناشفة اليومين دول
ربيكا :أعمل ايه بس ؟ ما أنا لو معملتش كدا هتخنق ...و اديكى شايفة سى عبد العال مش معبرنى
ستيفانى : و مين سمعك يا أختى ... أنا كمان الزفت حسب الله منفض لى خااااااااالص...جاتهم نيلة الجوز ... طول النهار واقفين ع الناصية معاكسات ... و بالليل الأرض بتتشق و تبلعهم
ربيكا : أكيييد بيروحوا بدرى ... عبد العال أصله مؤدب أوى و من عيلة محافظة
ستيفانى : يووووه يا بت ! جاتك خيبة فى هبلك ... بيروحوا ده ايه دول ....و لا بلاش .... أنتى لسه صغيرة ع الحاجات دى بلاش أفتح عينيكى
ربيكا : لا يا ريا أنا مش هبلة ... أنا عارفة هما بيبقوا فين ... مرة شفتهم بي...
ستيفانى : لا لا يا سكينة...عيـــــــــــب ...عيــــــــب مايصحش
ربيكا : كانوا بيلعبوا بولينج ... بيقضوها طول الليل بولينج على بلياردو و بيبقى معاهم بنات كتييييييييييير أوى
ستيفانى : عموما ...أوعدك يا اختى الموضوع ده مش هيستمر كتير
نبيلة محمود خليل مديرة موقع رحماك ربى
عدد المساهمات : 1427 تاريخ التسجيل : 29/08/2009
موضوع: رد: ريــــــــــــــــــا و سكيـــــــــــــــــنة أولى انتاجاتى السينمائية فى أفلام الرعب الأحد يناير 06, 2013 5:29 pm
] ~~ ع الناصية ~~
اتش و شون واقفين ...
اتش : و بعدين يا عبد العال يا أخويا ؟ هنفضلوا واقفين كدا ؟
شون : تعالا نقعدوا ع القهوة شوية
و يذهبوا للقعدة على القهوة
اتش بيصقف : ولااااااااااا يا حمووووو ... تعالا بسرعة
سيــــــنا : أيوه جااااااااااااااى ....تشربوا ايه يا أحلى معلمين ؟
شون : أنت هتستهبل يلا ؟ ما أنت عارف طلباتنا كل يوم
اتش : لا يا عبد العال تعالا نغير شوية النهاردة ... أنا عاوز شاى بحليب بالنعناع الطازة
شون : ايه المشروب العجيب ده ؟ هات لى يا بنى جريب فروت بالبندق و أغليه كويس ... و عايزه سااااقع مشبر ... ياللا غور من وشى
سينا : طب ...بس المعلم عرابى قال لى أوقف حسابكوا فى القهوة يعنى مش هينفع أجيب لكوا طلبات غير لما تدفعوا القديم الأول و مقدم شهر للطلبات الجديدة
شون : أومال كنت بتسألنا على طلباتنا ليه من الأول ؟
سينا : شغلتى ... و ضميرى يوجعنى لو مسألتش الزبون عن طلباته هههههههههههههههههههههههههههه
اتش : ولااااااااااااا...غور ياض هات الطلبات بدل ما تلاقى كل حاجة بتوجعك دلوقت مش ضميرك و بس
يأتى فى هذه اللحظة المعلم عرابى
تيكر : جرى ايه ياض أنت و هو ؟ عاملين لى قلق فى القهوة ليه ؟
شون : يرضيك يا عرابى اللى بيعمله الولا حمو ده ؟
تيكر : لا طبعا مايرضينيش .... وضبوه
سينا : ايه يا معلمى ؟ مش أنت اللى ...
تيكر : أنت كمان هتلبسنى تهمة ؟ دوووووس يا حسب الله أنت و عبد العال ... الواد أنا و لا أعرفه
طبعا ياخد سينا سويت شين على بدجرى يترمى ع الأرض و تتبعهم شوك سلام
تيكر : غور بسرعة هات طلبات المعلمين ... و زود لى معاهم كوكتيل السم الهارى بالليمون المخصوص بتاعى ... بسررررررررعة
شون : بس برضه يا عرابى الواد ده طيب و على نياته ...دمه يلطش آه بس لا يمكن يقول كدا من تلقاء نفسيته
تيكر : هو عمل ايه بالضبط يا عبد العال ؟
اتش : بيقول أنك بتتاجر فى الكيف
تيكر : هو قال كدا ؟ ولااااااا يا حمو ... ايه ده أنت لسه هنا ؟
سينا طبعا مقامش لسه من السويت شين ميوزيك و البدجرى و الشوك سلام
سينا : يا معلمى بيصيعوا عليك ... آه و ربنا ... أنا قلت لهم أنك قلت لى أن مانزلهمش طلبات غير لما يدفعوا اللى عليهم ...بس كدا
تيكر : كدااااااب فى أصل وشك ... بتسيح لمعلمك ياض ؟ غور من وشى جتك نيلة
شون : الحالة كرب يا أخويا ... و لقمة العيش بقيت صعبة أوى
اتش : و بعدين أديك شايف ... الشارع هس هس و لا حد بيروح و لاحد بييجى ...
تيكر : هههههههههههه....آآآآآآآآآآآآآآه ... بقى هى الحكاية كدا ؟ عشان يعنى مفيش و لا مزة فى الشارع من الصبح ؟ أصل فى سوق ملايات لف فتح جديد النهاردة فى الشارع اللى ورانا
قبل ما تيكر يكمل الجملة يكون اتش و شون سابوه و مشيوا .... طبعا رايحين سوق الملايات اللف ...
نبيلة محمود خليل مديرة موقع رحماك ربى
عدد المساهمات : 1427 تاريخ التسجيل : 29/08/2009
موضوع: رد: ريــــــــــــــــــا و سكيـــــــــــــــــنة أولى انتاجاتى السينمائية فى أفلام الرعب الأحد يناير 06, 2013 5:30 pm
~~ سوق الملايات اللف ~~
اتش (يلاقى كيلى كيلى ماشية ): يا صباح القشطة ... يا قمر ... يا عسل ... يا أرض اتهدى ...
شون : القمر بيتمشى فى عز الضهر ... يا صباح المارون جلاسيه ... أحلى bonjour عليك يا جميل ...
ماريس : ميرسى أوى يا ...
شون : محسوبك الشاويش عبد العال ...
و ترى هذا المشهد ربيكا أو سكينة من بعيد ...
ربيكا : بت يا ريا... الحقينى يا بت الحقينى ... هاسوووووووورأ ( يغم عليها يعنى )
ستيفانى : ايه مالك يا بت ؟
ربيكا : بصى هناك ... سى عبد العال و سى حسب الله ... أنا ... أنا ... مش هقدر أمسك نفسى لازم أروح له ...
ستيفانى : يا بت اتقلى يا بت ... التقل صنعة ...
و بالصدفة يعدى توكتوك مشغل أغنية حكيم : "هجرى عليه و أبوسه لو يعمل ايه هبوسه "
ستيفانى : يا لهوى ! البت دى ناوية تعمل ايه لما ألحقها ...
و تجرى ستيفانى و لكن لا تلحق ربيكا و ...
ربيكا : سى عبد العال ... سى عبد العال ... اهئ ... اهئ ... مش سامعنى خالص ...
شون طبعا مشغول مع ماريس و مش واخد باله ... و اتش برضه مشغول مع كيلى ...
ستيفانى : سيبك منه يا بت ... أنا ليا معاه تصرف تانى خالص ...هو و اللى معاه و البنتين المايعين دول كمان... تعالى معايا ...
نبيلة محمود خليل مديرة موقع رحماك ربى
عدد المساهمات : 1427 تاريخ التسجيل : 29/08/2009
موضوع: رد: ريــــــــــــــــــا و سكيـــــــــــــــــنة أولى انتاجاتى السينمائية فى أفلام الرعب الأحد يناير 06, 2013 5:31 pm
~~ ع القهوة ~~
أصحابنا رجعوا القهوة تانى بعد ما خلصوا
تيكر : ايه الأخبار ؟ طلع زى ما قلت لكوا ؟
شون : أيوه يا معلم ... عشان كدا محدش عدى النهاردة خالص من قدام القهوة بتاعتك عشان نصبح عليه ...
تيكر : طب ياللا بقى من هنا أنت و هو .. دلوقتى ساعة صبحية يعنى ساعة رزق مش معقول تيجوا كل يوم تقطعوا الرزق كدا .. أنتوا ماواركوش كدا لا شغلة و لا مشغلة ؟
شون : جرى ايه يا جدع ما تلم نفسك .. مش شايف يعنى البدلة الميرى ؟ بشتغل شاويش قد الدنيا...بس سايب القسم بقى و بنزل أدور ع الشغل مش أستنى لما الشغل يجيلى ما هو الرزق يحب الخفية .. أشوف أى خناقة أو مخالفة فى الشارع أتعامل علطول ..
اتش : و أنا بقى شريكه فى العمليات كلها و بنقسم بالنص
تيكر : بتقسموا بالنص ؟ و عملية ؟ دول تجار حشيش و لا ايه يا ناس ! غوروا من وشى ده أنتوا شبهة
تيكر : صباح الفل .. صباح الجمال .. لا ما هم كانوا لسه ماشيين ..
شون : يعنى ايه بترتاد ؟
اتش : شكلهم مباحث يا ولا .. تعالا نخلع .. بس مش تعرفنا الأول يا معلم عرابى على الأمامير ؟
ستيفانى : يا ســـــــــــــــــم
شون و اتش يقعدوا تانى ع القهوة و شكلهم هيطلبوا طلبات جديدة
تيكر : ايه ايه جرى ايه يا واد أنت و هو ؟ قوموا فزوا أنت هتفضلوا طول النهار مآنسينى و واقفين لى حال القهوة ؟ أنتوا عواطلية كده لا وراكوا شغلة و لا مشغلة ؟
شون : ايه ايه يا معلم ؟ تانى هتغلط ؟ أنت مش شايف الدبور اللى على بدلتى و لا ايه ؟ أنا قاعد هنا أحفظ الأمن و الأمان مش هنستنوا لما الشغل يجيلنا لحد عندنا .. واسكت ساكت بدل ما أشمع لك القهوة بالشمع الكاروهات
تيكر : كاروهات ؟ مش كان أحمر ؟ و بعدين أنت لو استحملتك أنت هستحمل صاحبك ليه ؟
اتش : ايه يا معلم ؟ هو أنا قاعد على دماغك لا مؤاخذة ؟ و بعدين ما أنا اللى بورد للقسم الشمع الكاروهات .. أصل الأحمر ده بقى أولد فاشون
تيكر : لا بقيت تتكلم لغات يا ولا ..قوم فز أصل هنشطبوا بدرى النهاردة
شون : لا ما احنا هنفضلوا قاعدين برضه .. و بعدين أنا مش فاهم قهوة ايه دى اللى بتفتح ساعتين و تشطب كل يوم ؟ و النهاردة بقالها ساعة واحدة بس فاتحة
تيكر : قوم بقول لك .. أنت مش عارف هيحصل ايه كمان خمس دقايق
اتش : أديــــــــــــــنا قاعديـــــــــــــــــن .. استنوا استنوا .. شوفوا مين جاى من بعيد
ستيفانى و ربيكا راجعين تانى من نفس الشارع و يهدوا قدام شون و اتش اللى قعدوا على ترابيزة و كرسيين قدام القهوة من بره يعاكسوا
شون : القمر طالع الصبح ياجدعاااااااااااااان
اتش : لا لا يا صول عبد العال .. دول قمرين قمرين دول و لا عينين
فعلا فى دبور على كتف شون .. تيكر يعمل له سنيك آيز يقوم الدبور قارص شون علطول
شون : آآآآآآآآآآآآآآآآآه .. الحقنى يا حسب الله همووووووووووت ده طلع فى دبور بجد
ربيكا : لااااااااااااااااااااااا .. عبد العااااااااااااااااااااااااااااااااااااااااااال ...اهئ اهئ
ستيفانى : اتقلى يا بت اجمدى نسيتى عمل فيكى ايه من شوية ؟ تعالى نفتحوا البوتيك خللينا نشوفوا أكل عيشنا بقى
فعلا تروح ستيفانى و ربيكا بوتيك مجاور تماما للقهوة .. سينا و اتش بيعالجوا شون من قرصة الدبور.. تيكر واقف على باب القهوة ماسك جورنال مخروم بحيث يبص منه ..
فى هذا الوقت يأتى زبون شكله عصبى جدا و ماسك دماغه بايديه الاتنين ..و أول ماسينا يشوفه يسيب شون و اتش و يدخل جرى يجيب صينية عليها 12 فنجان قهوة و يحطها قدامه.. زى ما تقولوا كده طقم قهوة و يقوم الزبون ده شاربهم كلهم و بعدين يروح مسترخى على الكرسى كأنه ارتاح
شون (بصوت منخفض) : هو فى ايه يا واد ؟
اتش : هو ليه فى الكيف و لا ايه ؟
سينا : ششششششت يسمعكوا .. ده زبون اول مرة جالنا قعد ساعتين كاملين ماطلبش حاجة و لا نطق بكلمة .. المعلم عرابى قال لى أروح أشوف ايه حكايته ..رايح اسأله هتطلب حاجة و لا كفاية نورك علينا راح قايم عليا رزعنى علقة تمام و نزل تكسير فى القهوة و فى الآخر جرجرنى ع المطبخ و عمل قدامى 12 فنجان قهوة وخدهم حطهم قدامه .. من ساعتها بقى و أنا عرفت طلبه أول ما بشوفه بعمل له طلبه علطول و بيقوم حتى من غير ما يدفع الحساب
شون : طب و المعلم ساكت ازاى على كده ؟ و لا هو بيتشطر علينا احنا بس ؟
سينا : لا ما هو المعلم قال لى أنه بيمر بأزمة عاطفية و لازم نستحمله .. قال لى أنه شاف الحالة دى فى فيلم صينى
اتش : طب و الحالة دى معدية يا واد ؟
الزبون ( أو أورتن ) يقوم فجأة و يقف قدام شون و اتش علطول و يقعد يبص لهم نظرات أفعى غاضبة
شون : ربنا يشفيك يا حج
اتش : هيــــــــــــــه .. دنيـــــــــــــــــا .. مفيش واحدة تستاهل اللى عامله فى نفسك ده يا ريس
أورتن شكله هيبتدى rko و الكلام ده .. و لكن فجأة ينظر الى ساعته و يلتفت الى الوراء .. و يتركهم و و يرجع بسرعة يقعد مكانه
شون : ايه هو فى ايه ؟
سينا : بصوا قدامكوا و أنتوا تعرفوا
ماريس ماشية متجهة ناحية البوتيك .. طبعا عرفتوا ليه أورتن راجع مكانه بسرعة و بطل خناق
أورتن : بسسسسسسسسست .. بسسسسسسسسسسسسسسسسسست ...
كيلى كيلى : و بعديـــــــــــــن بقــــــــــــــــى فى الحركات القديمة دى ؟
شون : ايه ده بيعاكسها عينى عينك كده و احنا واقفين ؟
و يطلع اتش الهامر و يتجه ناحية اورتن و .................................................. .........
أورتن : آآآآآآآآآآآآآه .. انتوا مش فاهمين حاجة سيبونى ..
شون : اخررررررررس .. قدامى ع القسم امشى انجر
أورتن : البنت دى فى خطر أنتوا مش فاهمين هيحصل لها ايه دلوقت .. و بعدين سيبنى يا صول عبد العال أنت مش عارف أنا مين
شون : يوووووووووووه الحركات القديمة دى على رأى المزة اللى كنت بتعاكسها .. ياللا يا حبيبى امشى قدامى ع القسم يا شاطر
و يجرجره شون و اتش على القسم فعلا لايداعه فى الحجز .. و أول ما يمشوا سينا يروح جرى قافل القهوة و يروح يسلم المفاتيح لتيكر تعالوا نرجع للقسم نشوف ايه اللى هيحصل
نبيلة محمود خليل مديرة موقع رحماك ربى
عدد المساهمات : 1427 تاريخ التسجيل : 29/08/2009
موضوع: رد: ريــــــــــــــــــا و سكيـــــــــــــــــنة أولى انتاجاتى السينمائية فى أفلام الرعب الأحد يناير 06, 2013 5:32 pm
~~ فى القسم ~~
شون و اتش مجرجرين أورتن و أول ما الضباط اللى فى القسم يشوفوهم ..
أحد الضباط : يا نهاركوا أسود ايه الى أنتوا بتهببوه ده ؟
شون : جرى ايه يا واد ؟ أنت ازى تكلم الصول عبد العال كده ؟ هات الكلبشات لما نكلبش الأخ ده و خده ارميه فى الحجز
أحد الضباط : انت مش عارف ده يبقى مين ... ده ..
يقاطعه أورتن باشارة باصبعه لا يراها الا الضابط لأن شون و اتش باصين للضابط عمل له علامة " شششششششت" أو اسكت ماتقولش حاجة
اتش : هيكوووووووون ميـــــــــــن يعنى ؟ هيخوفنا بدادى و مامى ؟ لا احنا مايهمناش والقانون لازم ياخد مجراه
و ينفذ الضابط الأوامر و هو يرتجف رعبا و أنتوا أكيد خمنتوا السبب و فعلا يكلبش أورتن و ياخده ع الحجز.. و يحصله شون و اتش على جوه
أول ما يوصلوا عند الزنزانة يتفاجأوا بأورتن طلع مفاتيح من جبيه فك الكلبشات و عمل لهم rko و رماهم هما فى الحجز
اتش : يخرب عقلك أنت عامل نسخة ع المفتاح ؟
شون : عارف دى تهمتها ايه لو مأمور القسم عرف ؟
اورتن : بذمتك انت تعرف شكل مأمور القسم ؟
شون : آه طبعا مش مأمور القسم اللى بشتغل فيه ؟
اورتن : طب خلليكوا مرميين فى الحجز بقى لحد ما المأمور ييجى يخرجكوا
و يمشى أورتن و يسيبهم
نبيلة محمود خليل مديرة موقع رحماك ربى
عدد المساهمات : 1427 تاريخ التسجيل : 29/08/2009
موضوع: رد: ريــــــــــــــــــا و سكيـــــــــــــــــنة أولى انتاجاتى السينمائية فى أفلام الرعب الأحد يناير 06, 2013 5:32 pm
اتش : تعالا هنا هتستعبط ؟ دى فيها شهر الا ربع حبس
شون : فكك منه أنا عامل نسخة من مفتاح الزنزانة
يجرب شون يفتح الزنزانة بالمفتاح
شون : يا نهار بلاك ! الزنزانة مابتفتحش يا واد
اتش : عملها مأمور القسم الندل الجبان و غير الكالون من غير ما يقول لى .. بس لما أشوفه
شون : حتى لو شفناه مش هنعرفه أنت ناسى أننا بنزوغ كل يوم و عمرنا ما شفناه ؟ تعالا نلعب سودوكو على ما المأمور ييجى .. أكيد مش هيخلصه نتحبس ظلم .. مين هيشغل القسم لما أكفأ و أنشط اتنين يتحبسوا ؟
نبيلة محمود خليل مديرة موقع رحماك ربى
عدد المساهمات : 1427 تاريخ التسجيل : 29/08/2009
موضوع: رد: ريــــــــــــــــــا و سكيـــــــــــــــــنة أولى انتاجاتى السينمائية فى أفلام الرعب الأحد يناير 06, 2013 5:33 pm
~~زنزانة شون و اتش فى منتصف الليل ~~
اتش : أنا زهقت من أم اللعبة دى تعالا نلعب كورة
شون : أجيب لك أنا كورة منين دلوقتى ؟
اتش : نلعب بالموبايل و نبقى نجيب غيره لما نخرج
يقطع كلامهما صوت أجراس و برق ورعد
اتش : ايه ده يا عم فى ايه ده احنا فى عز الصيف
و قبل أن يرد شون يسمعان صوتا جميلا من الشباك
الحقووووووونى يا نااااااس ... القسم ده مهجور و لا ايه
شون : ايه ده سامع الصوت ده ؟ تعالا لما أقف على كتفك أبص من الشباك أشوف فى ايه
اتش : تعالا بسرعة عشان نلحق البت
يقف شون على كتف اتش و يبص من الشباك
شون : يا نهار أسود ! ده الصوت جاى من عند البوتيك
كيلى كيلى ( جاية بتجرى شافت شون واقف فى الشباك ) : الحقنى يا شاويش عبد عال صاحبتى اللى كانت معايا فى السوق الصبح اتخطفت فى البوتيك و عمالة تصرخ ... اهئ اهئ ...
اتش : انزل يا حضرة الصول المزة دى تبعى أنا
شون : استنى بس يا واد لما أفهم .. قوليلى يا عسل ايه حكاية البوتيك ده و صاحبتك مين بالضبط اللى خطفها ؟
كيلى كيلى : دى عصابة يا باشا .. عصابة البوتيك .. الست ريا و أختها المؤذية سكينة و معاهم المعلم عرابى كمااان
شون : و بعد ما بيخطفوا البنات بيحصل ايه بعد كده ؟
فجأة يقطع شون كلامه و ..
آآآآآآآآآآآآآآآآآآآآآآآآه
الصوت ده اتش مسك شون رماه ع الأرض
اتش : بطل رغى ياض البت هتروح فى شربة مية و أنت واقف فاتح محضر ؟ هات شوية بمب من بتاع العيد اللى فى جيبك و أنا معايا صاروخ آهو كمان فاضل من العيد اللى فات خللينا نفجر الشباك ده و نخرج
نبيلة محمود خليل مديرة موقع رحماك ربى
عدد المساهمات : 1427 تاريخ التسجيل : 29/08/2009
موضوع: رد: ريــــــــــــــــــا و سكيـــــــــــــــــنة أولى انتاجاتى السينمائية فى أفلام الرعب الأحد يناير 06, 2013 5:33 pm
~~ رحلة الانقاذ ~~
شون و اتش و كيلى بيجروا رايحين ع البوتيك .. صوت ماريس اختفى تماما ...
شون : ايه ده داخل كده علطول ؟
اتش ( ماسك الهامر بتاعه ) : ايه هنقعد نعمل خطة خمسية ننقذ البت بعد خمس سنين ؟
شون : لا يا عم بس عايزين نضمن الحوار ده مايتكررش تانى .. بتقول لك عصابة .. أكيد هما مش هيكتفوا بعملية واحدة فى اليوم .. استنى خمسة كده بس أكيد فى بنات تانية هيخطفوهم عايزين نمسكهم متلبسين
اتش : هما خمس دقايق بس
فعلا مفيش خمس دقايق و لقينا مجموعة بنات جايين
ميكى جيمس : أنا اللى هدخل أشترى الأول
ميشيل مكول : لا أنا الأول
ماريا : بس يا بت منك ليها أنا الأول
ناتاليا : أنا اللى وصلت هنا الأول
بيث فينكس : اخرسووووووووووا بنات مايعة صحيح .. أنا اللى وصلت الأول و هشترى الأول
فجأة ينفتح باب البوتيك
ستيفانى : اتفضلى يا شابة
ميشيل مكول : كلكوا هتشتروا فى وقت واحد احنا عايزين نريحوووووووووكى يا شابة
معلش عدوا الحتة الجاية دى .. ما هى بتحصل فى الأفلام محدش فيكوا بيعترض :
و نتفاجئ بأن شون و اتش كل واحد فيهم لبس باروكة و ملاية لف و كيلى كمان خبت وشها و دخلوا ورا البنات البوتيك ماتسألوش جابوا الحاجات دى منين
نبيلة محمود خليل مديرة موقع رحماك ربى
عدد المساهمات : 1427 تاريخ التسجيل : 29/08/2009
موضوع: رد: ريــــــــــــــــــا و سكيـــــــــــــــــنة أولى انتاجاتى السينمائية فى أفلام الرعب الأحد يناير 06, 2013 5:34 pm
~~البوتيك ~~
كيلى كيلى ( بصوت منخفض ) : صاحبتى فيــــــــــن ؟
شون ( بصوت منخفض ) : يا بت هتفضحينا اطلعى بره إنتى و أنا و حسب الله هنتصرف
كيلى كيلى : ماتنساش أن لولايا و لولا لسه معايا الحاجات اللى اشتريناها من السوق الصبح مكنتوش هتعرفوا تتنكروا و تدخلوا أصلا
تيكر : ايه القلق ده يا بت منك ليها أنا مش مرتاح لكوا
اتش ( يعمل صوته بنت ) : لا مؤاخذة يا سى عرابى ... هيهييه
ربيكا ( بصوت منخفض ) : البت دى زى ما تكون أخت سى عبد العال
ستيفانى ( بصوت منخفض ) : و التانية أخت سى حسب الله
تيكر (بصوت منخفض) : و حياتك يا ريا يا أختى إنتى و سكينة هارشهم من ساعة ما دخلوا بس سايبهم يزيطوا .. عايزين نخلص شغلنا الأول
تروح ربيكا تقفل باب البوتيك بالمفتاح .. ظهر بعض القلق و التوتر على البنات .. ستيفانى تحرك اللمبة اللى فى المحل تروح يمين و شمال و تشتغل الموسيقى التصويرية الشهيرة
و تبدأ ستيفانى و ربيكا فى الغناء و ماسكين كل واحدة طبلة بتعمل الموسيقى التصويرية
ستيفانى : حسرة عليها حسرة عليها ..
ربيكا : يا حسرة عليــــــهااااااااااااااااااااااااااااااا ..
[center]ستيفانى : ما جت رجليها ما جت رجليها ..
ربيكا : ما جت رجليهاااااااااااا
ميشيل مكول : و أنا ايه ذنبى و أنا ايه ذنبى ... الحقوووووووووووووووووووووووونى
تهجم عليها ستيفانى بالمنديل أبو مية تسد بقها
ربيكا ( تطلع مطوة ) : ياللا يا بت أنتى كمان منك ليها هاتوا كل الدهب و الفلوس اللى معاكوا أحسن تحصلوا المزة اللى كانت هنا قبلكوا و المزة اللى صرخت دلوقتى ... اياك واحدة تفتح بقها ..
ستيفانى : خد البت دى يا معلم عرابى من هنا أنا خلصت شغلى خلاص .. شوف أنت شغلك بقى ..
شون ( يكشف شخصيته برضه ) : و اللى خدها دلوقتى وداها على فين ؟
ربيكا : سى عبد العااااااااااااااااااااااااااااااااااااااااااااااا ل
تعالوا نشوف تيكر بيعمل ايه
نبيلة محمود خليل مديرة موقع رحماك ربى
عدد المساهمات : 1427 تاريخ التسجيل : 29/08/2009
موضوع: رد: ريــــــــــــــــــا و سكيـــــــــــــــــنة أولى انتاجاتى السينمائية فى أفلام الرعب الأحد يناير 06, 2013 5:34 pm
تيكر : ياللا يا بت اهربى بسرعة قبل ما يسمعونا
ميشيل مكول : ميرسى أوى يا معلم بجد مش عارفة أقول لك ايه
تيكر : ماتقولش حاجة يا جميل ده أنا كنت أموت لو جرالك حاجة .. طيرى إنتى دلوقتى و على رنات بقى ..
يعود اليهم تيكر ..
تيكر : الله الله ... الصول الفاشل عبد العال و صاحبه حسب الله .. جيتوا لقضاكوا برجليكوا ..
ربيكا : لا لا بليز يا معلم عرابى بلاش سى عبد العال
ميكى جيمس : و احنا جينا هناع الفاضى ؟ لو سمحت يا معلم اقتلنى أنا الأول
ميشيل مكول : لا أنا الأول
ماريا : أنا الأول
ناتاليا : بس يا بت منك ليها أنا أنا الأول
بيث فينكس : اخرسووووووووووووا بنات مايعة صحيح اقتلنى أنا الأول يا معلم عرابى
يمسك الديفاز كلهم فى بعض .. و فجأة تظهر ماريس
كيلى كيلى : هيااااااااااام إنتى كويسة ؟ و لا ده الجوست بتاعك ؟ اهئ اهئ
ماريس : لا أنا كويسة يا بت ماتخافيش
ستيفانى : البت دى ازاى لسه عايشة يا معلم ؟
تيكر : هه ؟
ماريس : معلش سورى يا معلم انى رجعت تانى بس كان لازم اطمن على صاحبتى
فجأة ينفتح باب البوتيك
أورتن : كله يرفع ايده و يسلم نفسه المكان محاصر
اتش : ايه ده أنت انتحلت شخصية مأمور القسم ؟
شون : عارف دى عقوبتها ايه ؟
سينا ( داخل مع أورتن ) : ده مأمور القسم اللى بتشتغلوا فيه هههههههههههههههه و أنا بشتغل مرشد ههههههههههههههههه و كان بييجى يقعد ع القهوة يراقب العصابة ههههههههههههههههههههههههههههههههههههههههههههههههه
تيكر : نهارك مش فايت
أورتن : نفسى أفهم بيضحك على ايه ... خد راحتك يا معلم عرابى أنا معرفش الواد ده و أنا مستعد أسقط عنك كل التهم المنسوبة اليك
ما يصدق تيكر و يجرى ورا سينا
أورتن ( يطلع الكلبشات من جيبه و يكلبش اتش و شون ) : قدامى منك له
اتش : هتستنينى يا ريا ؟
ستيفانى : طبعا السجن للجدعان بس تبطل معاكسة فى البنات
شون : و إنتى يا سكينة ؟
ربيكا : ماتقلقش يا سى عبد العال هستناك
أورتن : بالاذن يا بنات معلش آسفين للازعاج
لاحظوا أن أورتن ماقبضش على ريا و سكينة نفسهم و لا على تيكر
ما تصدق ربيكا و ستيفانى أورتن يتدور و يهجموا على ماريس .. و فجأة يأتى المنقذ ..
المنقذ : أنتوا بتعملوا ايه يا أشراااااااااااااار أوعوا حد ييجى ناحية سوسو قصدى هيام أنا مراقبكوا من الصبح
ماريس : بشمهندس تونتووووووووووووووووووووووووووون
تيكر ( الظاهر خلص سينا و رجع ) : زعيم السيناوية ؟ هى البت دى تبعك ؟ طب أنا هقتلها بجد بقى
ماريس : هى الحكاية هتقلب بجد و لا ايه ؟ مش كنا أصحاب و حبايب يا باشا من شوية ؟
تيكر : بصراحة ماتهونش عليا يا جميل .. معلمة ريا .. معلمة سكينة .. شوفوا شغلكوا على ما آجى ..
ما تصدق ربيكا و ستيفانى لأنهم محروقين من ماريس و كيلى .. و فعلا يستلموا ماريس و كيلى
تيكر : و أنت بقى تعالالى يا حلو
TONTON : باشا أبوس ايدك أنا الواد سينا ده و لا أعرفه صدقنى ..ده أنا بشجعه و حاطط رمزيته جبر خواطر ... بلاش تحرجنى قدام سوسو بالذات سيبنى بس أضربك كام بوكس كده و أعمل قدامها أنك وقعت و أنا أنقذتها .. ربنا يخلليك لينا يا باشا و نردها لك مع البت بتاعتك قريب ان شاء الله
تيكر : و تبطل تشجع الواد سينا اللى طول النهار يضحك و يقلش و تشيل رمزيته ؟
استنوا استنوا رايحين فين أنا بقيت مخرج محترف لسه مشهد النهاية :
ماريس : أنا عشان أشكرك يا بشمهندس هغنى لك أغنية وطنية
TONTON : بجد صحيح ؟ طب بس يا ريت بالهندى بلاش فرنساوى أصل فى مشاكل بينى و بين اللغة دى من زمان
ماريس : ماتقلقش يا بشمهندس .. دى أغنية أنت تعرفها كويس أوى ..احم احم .. Tu m'allumé comme une alimette et tu ma fait pèrdre la tète
TONTON (يقاطعها) : آه آه طبعا أعرفها .. بس اصل بقالى كتير مابشوفش أفلام هندى من ساعة الواد شروخان اللى لامم البنات حواليه ده ..عموما كملى يا قمر شكله كلام جامد جدا ..
ماريس : سيبنى أكمل بس .. : يا مصطفى .. يا مصطفى .. أنا بحبك يا مصطفى .. سبع سنين متفرقين .. و أنت حبيبى يا مصطفى ..
TONTON (مش قادر أوصف لكوا شكله ) : آآآآآآآآآآآآآه عرفتها عرفتها .. فعلا الأغنية دى فيها جزء هندى .. أنا مش مصدق نفسى ..
ماريس : شفت بقى أنك كنت ظالمنى ؟
TONTON : معلش يا قمر .. طب كملى بقى و يا ريت الجزء بتاع البلكونة و الصلصلة عشان بحبه أوى ..
ماريس : بس كده عينيا الاتنين يا بشمهندس ..بس نكمل بقى و احنا رايحين الكشك بقى عشان تراعى شعور الزملاء اللى بيشوفوا الفيلم ..
TONTON : طول عمرك حساسة و ذوق .. بس أنا مصمم تكملى الأغنية كلها فى الفيلم و يشوفوها .. و الكاميرا بتعمل zoom out لحد ما تتكتب كلمة النهاية
ماريس : خلاص أنت حر بقى أنا حذرتك .. quand je te vue sur le balcon tu ma demande de ne fait pas façon يا مصطفى يا مصطفى أنا بحبك و أنت ناسينى .. والله بعدك كان على عينى .. ياما سهرت عشانك أنت .. قوللى يا غالى هشوفك امتى .. cherie je t'aime cherie je t'adore commo la salsa del pomodore
طبعا لا تعليق مش لاقى كلام أقوله عامل فيها مخرج كمان و zoom out و zoom in
و مصمم كماااااان يكمل الأغنية للآخر ههههههههههههههههههههههههههههههههه
نبيلة محمود خليل مديرة موقع رحماك ربى
عدد المساهمات : 1427 تاريخ التسجيل : 29/08/2009
موضوع: رد: ريــــــــــــــــــا و سكيـــــــــــــــــنة أولى انتاجاتى السينمائية فى أفلام الرعب الأحد يناير 06, 2013 5:35 pm
الردود
هههههههههههههههههههههههههههههههههههههههههههههه يا بني ايه الكلام الجامد ده والله مش قادره امسك نفسي موت من الضحك اولا دي مش حلقه فعلا ده سيناريو عبقري عملته ازاي بس الشخصيات ابداع ابداع والتشبيه مافيش بعد كده بجد
......
هههههههههههههههه حلقه غير عاديه ودائما مبدع يا شريف واختيار رائع للادوار
....
تسلم ايدك على موضوعك الرائع وتقبل خالص تحياتى العطره
ريــــــــــــــــــا و سكيـــــــــــــــــنة أولى انتاجاتى السينمائية فى أفلام الرعب
السبت ديسمبر 09, 2017 12:41 pm من طرف 
موضوع: ريــــــــــــــــــا و سكيـــــــــــــــــنة أولى انتاجاتى السينمائية فى أفلام الرعب 
,,
): يا صباح القشطة ... يا قمر ... يا عسل ... يا أرض اتهدى ...
